Takim i Inspektorit të Përgjithshëm me RTA e Projektit Anti-Korrupsion Z. Detlef Kreutzer, si dhe me ekspertët e tij.

Takim i Inspektorit të Përgjithshëm me RTA e Projektit Anti-Korrupsion Z. Detlef Kreutzer, si dhe me ekspertët e tij.

Sot në datën 02 Gusht 2017, u zhvillua në ambientet e Inspektoratit Qendror një takim midis Inspektorit të Përgjithshëm Z. Shkëlqim Hajdari si dhe drejtuesve të Projektit për Formulimin, Koordinimin dhe Zbatimin e Politikave anti – Korrupsion pranë Qeverisë Shqiptare, me financim nga BE, Z. Detleff Kreutzer, si dhe me ekspertët e tij.

Inspektori i Përgjithshëm e njohu Z. Kreutzer dhe personat që e shoqëronin me projektet konkrete për ristrukturimin e ri formatimin e Inspektorateve Shtetërore; me projektin mbi ndryshimet ligjore të ligjit mbi Inspektimin në Republikën e Shqipërisë; Projektin për fuqizimin e kapaciteteve dixhitale të sistemit elektronik për inspektimet online si dhe projektin për përmirësimin e kushteve të punës së Inspektorateve Shtetërore. Inspektori i Përgjithshëm, po ashtu prezantoi nevojën për fuqizimin e kapaciteteve të laboratorëve private të akredituar në Shqipëri.

Të gjitha këto ndryshime do të bëjnë të mundur që inspektoratet shtetërore dhe ato vendore të kthehen në trupa profesionale, me sistem karriere, gjë e cila do të bëjë të mundur c ‘rrënjosjen e korrupsionit në fushën e inspektimeve në Shqipëri.

Z. Kreutzer, theksoi se i vlerëson shumë këto projekte bashkëkohore, të standardizuara, që duhet të kenë Inspektoratet Shtetërore dhe shprehu mbështetjen e tij për këto projekte. Ai theksoi se edhe BE, mbështet e po punon fort për eliminimin e korrupsionit në tërë Administratën Shtetërore në Shqipëri.

 
 
Burimi :  http://www.insq.gov.al/takim-i-inspektorit-te-pergjithshem-me-drejtorin-e-projektit-anti-korrupsion-z-detleff-kreutzer-si-dhe-me-ekspertet-e-tij/

About the author

Arnisa Tepelija administrator

Leave a Reply